miércoles, 24 de abril de 2024
Debemos priorizar a seguridade fronte a privacidade dixital? Catro especialistas en comunicación e TICs tentarán resolver esta cuestión o xoves 1 de xuño nunha nova Regueifa de Ciencia que terá lugar a partir das 20.00 horas en Ciencias da Comunicación.
Cuestións como se existen garantÃas de privacidade fronte ao estado ou as empresas, a propiedade dos datos persoais ou se é suficiente a lexislación existente serán tratadas nese foro de reflexión, no que coma sempre haberá dúas posturas claramente diferenciadas.
Defendendo a privacidade fronte a seguridade intervirá Marta Peirano, escritora e xornalista que dirixe a sección cultural de eldiario.es, onde tamén é adxunta ao director. Fundou CryptoParty BerlÃn, unha iniciativa arredor de cuestións sobre privacidade e seguridade en internet, e Elástico, un colectivo multidisciplinar co que codirixiu o proxecto COPYFIGHT en 2005 sobre cultura libre.
Xunto a Peirano intervirá tamén a avogada Paloma Llaneza, socia directora do bufete especializado en dereito tecnolóxico Razona LegalTech e árbitro da Corte de Arbitraxe para temas tecnolóxicos desde 2000. É ademais presidenta da Sección de Dereito TIC e fundadora e presidenta de AEDEL, a asociación de desenvolvemento das evidencias electrónicas lÃder en España.
Pola súa banda, apoiando a seguridade fronte a privacidade estará Eduardo Casas Herrer (@AguilaKen), técnico superior en informática e membro da Unidade de Investigación Tecnolóxica do Corpo Nacional de PolicÃa. Está especializado na loita contra a explotación sexual de menores, pola que foi condecorado en varias ocasións. Profesor honorario das Universidades Autónoma e Complutense de Madrid, é autor do libro de divulgación sobre delitos en Internet La red oscura (A Esfera dos Libros, 2017).
Tamén na postura da seguridade intervirá Alberto Calero, enxeñeiro de Telecomunicacións presidente de A&JCalero Engineering e partner de Maven7, compañÃa punteira na ciencia das redes. Colaborou con Laszlo Barabasi desde 2002 en proxectos de ciencia de redes e foi parte activa dos desenvolvementos desta ciencia nos últimos dez anos. Calero foi ata 2011 membro do comité de Dirección de France Telecom España (Orange) e director da Unidade de Novos Servizos onde tivo a responsabilidade de desenvolver os servizos móbiles de datos, innovación e contidos.
Por que o universo dos activos dixitais semella un mundo masculino? Por que a maiorÃa de ‘influencersÂ’ do mundo cripto que saen á palestra son homes? Está equilibrada a proporción entre homes e mulleres nos consellos de administración das empresas? Estas son algunhas das preguntas ás que se deu resposta este luns na VI Xornada de igualdade de xénero e Dereito Mercantil, actividade dirixida desde a Facultade de Ciencias XurÃdicas e do Traballo polas docentes Sara Louredo e Ana Mª Aido e para a que, nesta ocasión, se contou coa participación de dúas profesoras expertas en Dereito Mercantil: Vanessa Jiménez, da Universidad de Salamanca, e Josefina Boquera, da Universidad de Valencia.
Un total de 23 os equipos de 19 colexios e institutos participaron no lanzamento de satélites elaborados por parte de centros educativos galegos no marco da fase autonómica do programa da Axencia Espacial Europea Cansat 2024, que se desenvolveu no aeródromo das Gaivotas, en Cerceda. A xornada desenvolveuse arredor de tres actividades: un obradoiro de foguetes quÃmicos e de auga impartida polo alumnado do Centro Público Integrado O Cruce (Cerceda), unha exhibición de drons a cargo de Aeromedia e o lanzamento dos satélites. O secretario xeral técnico da ConsellerÃa de Educación, Ciencia, Universidades e FP, Manuel Vila, acompañou os alumnos nesta xornada.
