Notas de prensa

Anova apoia a moción de censura e contra o Réxime da Corrupción

Anova comprométese firmemente a contribuír a sumar unha maioría nas institucións, mais tamén nas rúas e nas prazas, nos espazos da sociedade civil, como xa se fixo no 15M, para dar pulo a un cambio de goberno e abrir un horizonte de revolución democrática co obxectivo de erradicar un réxime de dominación conservadora asentado na corrupción.

É un paso imprescindible na defensa dos intereses das clases populares agredidas polas políticas de austeridade, para frear a deriva autoritaria do réxime e activar procesos constituíntes para que a cidadanía poida decidilo todo.

No contexto de excepcionalidade creado pola podremia que abeira o goberno do Partido Popular, parécenos positiva e oportuna a proposta de En Marea e as organizacións que fan parte do Grupo Confederal de presentar unha moción de censura contra Mariano Rajoy, máximo representante do Réxime da Corrupción e dun partido que se sitúa claramente fóra do espazo de lexitimidade democrática.

A corrupción é un elemento sistémico, unha forma de goberno, unha marca de réxime. Esta non é só unha afirmación do espazo de ruptura, é nesta hora unha evidencia indiscutible para a inmensa maioría da cidadanía. O Réxime do 78 dexenerou no Réxime da Corrupción. O Partido Popular é a organización que o xestiona, o mantén e lle dá continuidade.

Á súa conveniencia creáronse dispositivos de financiamento para o partido e mesmo para enriquecemento persoal dos seus dirixentes, utilízase o aparello do Estado para condicionar decisións do poder xudicial e créase así un pano de impunidade.

O Réxime de Corrupción atende os intereses das grandes corporacións económicas, que fan boa parte dos seus negocios na contratación pública coas diferentes administracións do Estado, e apóiase nunha política de desinformación deseñada desde os medios de comunicación públicos, sometidos a un groseiro control partidario, e desde a maioría dos medios privados, subordinados tamén ao goberno e as grandes corporacións empresariais.

Sen o engraxe de toda esta maquinaria non se entende o dominio político do PP. Esta relación estreita entre o control da administración pública, o mundo dos negocios e os grandes medios, sempre á marxe de calquera posibilidade de decisión e control democrático, é a rede que articula e impón a hexemonía conservadora, un poder que neste momento só se mantén porque o Partido Popular ocupa o Goberno do Estado.

Para rematarmos co Réxime da Corrupción, cómpre retirar o PP do goberno do Estado. Para iso é necesario o apoio de todas as forzas democráticas e de esquerda que estean verdadeiramente comprometidas na loita contra a institucionalización da corrupción. Precisamos unha alianza non só de organización políticas, senón do conxunto de forzas que operan na sociedade civil, con compromisos firmes coa transparencia e cun auténtico control democrático da cidadanía. É imprescindible poñer fin non só ás zonas máis negras, tamén ás aparentemente grises, coma a que xustifica Alberto Núñez Feijóo para lexitimar e dar cobertura ideolóxica a prácticas e formas de proceder amplamente rexeitadas na sociedade galega. Alberto Núñez Feijóo fai tamén parte activa e consciente do mesmo aparello de corrupción.

O Réxime da Corrupción impediu o cambio político despois dos resultados históricos que o espazo de ruptura no Estado e en Galiza conquistara o pasado 20 de decembro de 2015. Agora é o momento de abrirmos un novo ciclo político que crebando o réxime da corrupción abra un proceso de democratización radical da man de políticas de mudanza que sosteñan actuacións concretas para rescatar as persoas damnificadas pola austeridade neoliberal e para construír un horizonte democrático de respecto á vontade das nacións e dos pobos do Estado.

Nun momento en que avanza o populismo de ultradereita en Europa, experiencias de colaboración entre as diferentes esquerdas, como a portuguesa, son outro espello nos que mirarnos. Mais somos conscientes de que non se trata de que todo se reduza a unha estratexia parlamentaria: cómpre que se acompañe cun proceso de empoderamento cidadán no que participen movementos, organizacións civís e partidos, unha rede de mobilizacións populares nas rúas e nas prazas, nos centros de traballo e en todos os espazos e recantos da sociedade.

Chegou o momento de elixir entre a decencia democrática ou o Réxime da Corrupción presidido por Mariano Rajoy.

Gabinete de Comunicación de Anova, 2017-04-27

Actualidad

Foto del resto de noticias (beatriz_mato_tribuna.jpg) La Xunta avanza la presentación de la nueva Ley de Ordenación del Territorio con la mejora de la gobernanza del paisaje entre los retos a abordar. El BNG hace un balance crítico y negativo de la gestión de medio ambiente en la protección del paisaje. Propone recuperar los casos históricos de las ciudades, frenar los proyectos de megamineria, ordenar y defender el monte contra los incendios con un plan integral y ampliar Rede Natura.
Foto de la tercera plana (cdg_caminos_ok.jpg) El Centro Dramático Galego (CDG) y ButacaZero presentan en Santiago de Compostela su coproducción #camiños: un "collage escénico" que da voz a la "generación millenial" y que reflexiona sobre la identidad gallega. Escrito por Esther F. Carrodeguas y dirigido por Xavier Castiñeira se representa en la sede compostelana del Centro Dramático Gallego (CDG) desde el jueves 25 al domingo 28 de enero de 2018.

Notas

A plataforma SOS Sanidade Pública, da que forma parte CCOO, convoca concentracións para o mércores 24 de xaneiro en Galicia como rexeitamento á Lei de saúde pública de Galicia. Tamén o xoves 25 de xaneiro convócase unha folga e manifestación do sector da Xustiza que percorre as rúas da capital de Galicia.
Afundación, la Obra Social de ABANCA, presenta la exposición «Unha mirada de antano: Fotografías de Ruth Matilda Anderson en Galicia» en el Café Moderno Afundación de Pontevedra entre el 2 de febrero y el 21 de abril. Su trato tan próximo con las mujeres y hombres de Galicia favoreció que su trabajo reflejara con tanto cuidado y empatía la realidad gallega de los años veinte.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania