Notas de prensa

Lánzase a nova web da Asociación Galega de Áridos: arigal.gal

O secretario xeral de Política Lingüística participa no lanzamento da nova web arigal.gal. A Asociación Galega de Áridos, que integra o 93% das empresas do sector dos áridos en Galicia, participa nas accións de desenvolvemento do Plan de dinamización da lingua galega no tecido económico impulsado pola Xunta de Galicia.

O secretario xeral de Política Lingüística, Valentín García, participou na rolda de prensa de presentación do novo web da Asociación Galega de Áridos-ARIGAL, entidade que integra un total de 60 empresas que supoñen o 93% das especializadas no sector dos áridos en Galicia e que participa nas accións de desenvolvemento do Plan de dinamización da lingua galega no tecido económico impulsado pola Xunta, aprobado en agosto do ano pasado.

García Gómez destacou “o compromiso de ARIGAL coa lingua propia de Galicia, desde as súas accións de responsabilidade social co territorio e coa comunidade na que se asenta esta industria que leva xa case 20 anos liderando o seu sector e impulsando diversos proxectos de innovación orientados a modernizar o funcionamento das súas empresas asociadas para facelas máis eficaces e competitivas, un exemplo de que a responsabilidade e innovación social van da man do idioma galego”.

O novo web corporativo de ARIGAL, www.arigal.gal, incorpora un deseño máis visual e adaptado para o seu acceso desde dispositivos móbiles, a canle de acceso a internet de maior cremento arestora, cunha estrutura máis clara e simplificada. Participaron tamén na rolda de prensa o presidente da entidade, José Lista Tasende, e o seu director, Carlos Martínez Torres.
Máis galego na economía e na empresa

Desde agosto de 2016, Galicia conta por vez primeira cun Plan de dinamización da lingua galega no tecido económico, unha folla de ruta elaborada en colaboración con 314 axentes do ámbito socioeconómico que ten como meta desenvolver as directrices aprobadas por unanimidade do Parlamento galego no ano 2004 no marco do sector 4 do Plan xeral de normalización da lingua galega.

Con el, búscanse tres obxectivos estratéxicos principais para aumentar o uso do galego na economía e na empresa: crear conciencia de que o uso do galego favorece os resultados e obxectivos empresariais e as relación laborais, comerciais e bancarias; estender o uso da lingua galega no ámbito económico, nas relacións laborais, comerciais e empresariais, tanto na oferta coma na demanda de produtos e servizos; e utilizar o idioma para impulsar unha imaxe de marca diferencial propia de Galicia e os seus produtos vinculada á calidade e á innovación e que lles transmita confianza ás persoas consumidoras e ao empresariado.

Recolle un amplo abano de accións e medidas -81 en total- encamiñadas a darlle cumprimento aos obxectivos de reforzar e aumentar a presenza do galego no sector da economía, non só para ampliar os lazos comerciais das empresas galegas, senón tamén para xerar un efecto multiplicador no resto da sociedade tendo en conta o importante papel que xogan as empresas á hora de crearen dinámicas de promoción do uso da lingua propia de Galicia. Todas elas buscan incidir no incremento do uso do galego e na súa visibilidade desde as dez áreas que contempla o sector: hostalería, comercio, alimentación, TIC, construción e inmobles, banca, asesoramento e intermediación, axencias de publicidade, área de traballo e cooperativismo.

Gabinete de Comunicación da Xunta de Galicia, 2017-04-17

Actualidad

Foto del resto de noticias (CatasdeGalicia_gala.jpg) Los viticultores, bodegueros, enólogos y sumilleres más distinguidos de Galicia se dieron cita en el Parador de Santo Estevo de Ribas de Sil para asistir a una nueva edición de las Catas Oficiales de Vinos y Aguardientes de Galicia, el evento más importante para el sector vitivinícola de la comunidad. A través de este veterano certamen, la Consellería do Medio Rural buscaba nuevamente identificar y premiar a los mejores caldos elaborados fundamentalmente con uvas de variedades autóctonas, dotados de un carácter único y una personalidad reconocible. Para esta trigésima Cata de Vinos de Galicia se batían todos los records en cuanto a número de inscritos, con 363 muestras finales de blanco y tinto.
Foto de la tercera plana (gandaria_2.jpg) A comisión territorial de seguros agrarios reuniuse hoxe na Consellería do Medio Rural e valorou os avances neste ámbito en Galicia. Entre os datos destacados, a directora xeral de Gandaría, Agricultura e Industrias Agroalimentarias, Belén do Campo, sinalou os cinco millóns de euros que este ano achegaranse para subvencionar as distintas liñas de seguros en Galicia. Trátase da cantidade máis alta dos últimos seis anos. De feito a Xunta de Galicia fixo un importante esforzo para compensar a baixada de 10 puntos porcentuais que aplicou o Ministerio a todas as liñas de seguro agás a retirada de cadáveres.

Notas

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan desde finais de xullo ata setembro un total de 30 xornadas sobre robótica, pilotaxe de drons e creación de personaxes para videoxogos enmarcadas no programa “Tech Kids” para fomentar o interese pola ciencia e a tecnoloxía entre a mocidade galega.
A Rede Galega de Música ao Vivo (RGMV) inicia mañá a nova programación para o segundo semestre do ano con dous concertos de verán, que terán lugar na sala A Ventana de Laxe, onde actuará o grupo feminino Ejazz ás 23,30 h., e no Náutico do Grove, no que soará a homenaxe ao rock hispano dos anos 60 a cargo de Los Mecánicos a partir da medianoite. Ambas citas, programadas en locais a carón da praia como parte da oferta cultural galega.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania