O actor, guionista e monologuista Pepo Suevos será o encargado de dirixir e conducir a gala dos XXI Premios de Teatro MarÃa Casares, que se celebrará o mércores 29 de marzo no Teatro RosalÃa Castro da Coruña. A Asociación de Actores e Actrices de Galicia (AAAG), entidade organizadora dos galardóns, confÃalle deste xeito a Suevos a dirección e a presentación da gala deste 2017. Suevos, que xa está a ultimar os detalles da cerimonia, furará con humor e autocrÃtica nas relacións entre o teatro e a administración, dous mundos ben diferentes condenados a entenderse. Para o espectáculo, o director da gala contará cun elenco de seis actores e actrices. Dese xeito, polas táboas do RosalÃa pasarán os/as intérpretes MarÃa Roja, Marta Lado, Roberto Leal, Alberto Rolán, Patricia Torres e Josito Porto. A gala contará coa música en directo dunha banda formada por cinco músicos (os percusionistas Amaury Quintero Consuegra e Marcos Jaramillo, o pianista Josep Ruiz Zuluaga; o baixista Juan Perez Villavicencio e o trompetista Daniel Polo Salgado) que lle darán á cerimonia o toque do son cubano.
O presidente da AAAG, Ernesto Chao, sinala que a Xunta Directiva decidiu encargarlle a dirección da gala a Pepo Suevos por ser “un gran actor con moito que ofrecer”, cunha “traxectoria contrastada como monologuista”. Ademais, Chao destacou “o seu amplo traballo como guionista”, o cal é unha “garantÃa máis” que ofrece este auténtico “showman”. A gala, organizada pola AAAG, contará ademais coa dirección de arte de Suso Montero, un dos escenógrafos máis prestixiosos do noso paÃs e que vén traballando nas galas dos MarÃa Casares nos últimos anos.
Os XXI Premios MarÃa Casares contan co patrocinio de institucións como a Axencia Galega das Industrias Culturais (Agadic-Xunta de Galicia), Concello da Coruña, Deputación da Coruña, Padroado da Cultura de Narón, Fundación AISGE e Fundación SGAE. Nesta edición dos galardóns, un total de 13 espectáculos compiten polos 14 galardóns nos que se dividen os premios, sendo os espectáculos con maior número de finalistas O tolleito de Inishmaan, de Contraproducións e FIOT Carballo, que aspira a 11 premios; Eroski ParaÃso, de Chévere, que opta 8 MarÃa Casares; Raclette, de Ibuprofeno Teatro, e Voaxa e CarmÃn, de ButacaZero e Eme2, que competirán en 5 categorÃas. O Premio de Honra Marisa Soto será recibido polo dramaturgo e director Eduardo Alonso.
Perfil de Pepo Suevos
Nacido en Ferrol en 1971, Pepo Suevos comezou a súa traxectoria artÃstica como contacontos e monologuista para despois ampliar as súas facetas artÃsticas como actor de teatro, cine e televisión. Na pequena pantalla estreouse a comezos dos anos 2000 como colaborador en programas como Tardes con Ana ou Luar.
A partir dese momento, participou en series da TVG como RÃas Baixas (TVG), Terra de Miranda, As leis de Celavella, Escoba, Serramoura ou Pazo de familia. En cine, Pepo Suevos traballou en fitas como Entre bateas (Jorge Coira, 2002), Ilegal (Ignacio Vilar, 2003), HeroÃna (Gerardo Herrero, 2005), Unha muller invisible (Gerardo Herrero, 2007), Pradolongo (Ignacio Vilar, 2008) ou A esmorga (Ignacio Vilar, 2014). Tamén cómpre destacar o seu traballo en fitas como Secuestrados (Miguel Ãngel Vivas, 2010), Agallas (Samuel MartÃn Mateos, Andrés Luque Pérez, 2009) ou A praia dos afogados (Gerardo Herrero, 2015). No mundo do teatro, Suevos formou parte da compañÃa Uvimóvil Teatro e do grupo de clown Os Sete MagnÃficos máis Un.
Suevos, ademais, traballa como guionistas en diferentes programas de televisión. Deste xeito, formou parte dos equipos de guión dos programas da TVG A casa da Conexa, Tourilandia ou LandRober e series como GymTony.