Notas de prensa

Cultura e Educación celebra o 24 de xaneiro no Gaiás unha xornada sobre o legado e o patrimonio de Camilo José Cela

O catedrático Adolfo Sotelo Vázquez, comisario da exposición coa que a Cidade da Cultura conmemora o centenario do Nobel, aborda a personalidade poliédrica do escritor de orixe galega no marco da exposición “CJC 1916-2016. O centenario dun Nobel. Un libro e toda a soidade”, que acolle o Museo Centro Gaiás ata o 19 de febreiro.

A Consellería de Cultura, Educación e Ordenación Universitaria celebra o 24 de xaneiro no Gaiás unha xornada na que profundar na figura, o legado e a posta en valor do patrimonio literario e iconográfico de Cela. No marco da exposición “CJC 1916-2016. O centenario dun Nobel. Un libro e toda a soidade”, que acolle o Museo Centro Gaiás ata o 19 de febreiro, esta xornada contará co comisario da mostra, Adolfo Sotelo; a responsable da montaxe, Marta Villar; e o persoal da Fundación Camilo José Cela de Iria Flavia.

A xornada ‘Camilo José Cela. O centenario dun Nobel’ arrancará ás 16:30 horas no Museo Centro Gaiás e abordará as múltiples caras do escritor galego: novelista, articulista, dramaturgo, poeta, académico... pero tamén editor, pintor, coleccionista ou actor. Será unha viaxe pola aventura persoal, intelectual, literaria e artística de Cela a través dos expertos que confeccionaron a exposición coa que se celebra o seu centenario.

De balde previa inscrición

O comisario da mostra, Adolfo Sotelo Vázquez, catedrático de Historia da Literatura Española da Universidad de Barcelona, Decano da Facultade de Filoloxía e Letras da Universidade de Barcelona e director do seu Departamento de Filoloxía Hispánica, pronunciará unha conferencia na que a figura polifónica de Cela. Gran coñecedor dos seus escritos –traballa desde hai máis de vinte anos ao redor da personalidade e o universo literario do Premio Nobel, Sotelo Vázquez aportará novas visións dese personaxe poliédrico que foi o escritor de Iria Flavia.

Pola súa banda, a directora artística e decoradora Marta Villar Sanjurjo fará unha explicación da montaxe da exposición, ao tempo que o público descubre a mostra. Para rematar, a xornada contará coa Fundación Pública Gallega Camilo José Cela, fundada polo propio escritor e encargada, desde o seu falecemento en 2002, de custodiar e manter o inxente legado doado gratuitamente para a posteridade.

A xornada é de balde mais é preciso inscribirse previamente en cidadedacultura.gal.

Gabinete de Comunicación da Xunta de Galicia, 2017-01-11

Actualidad

Foto del resto de noticias (tellado_ciudades.jpg) El PPdeG se prepara para afrontar en mayo de 2019 el proceso electoral de los comicios municipales, destacando que seis de las siete ciudades gallegas viven actualmente "una situación límite" tras las elecciones de 2015. Con los portavoces locales de su formación en Santiago, Vigo, A Coruña, Ferrol, Lugo, Ourense y Pontevedra, Miguel Tellado reconoce los "insuficientes resultados" de hace dos años.
Foto de la tercera plana (fitur2017_feijoo_cesteria.jpg) Durante la Feria Internacional de Turismo - Fitur 2017, el presidente de la Xunta, Alberto Núñez Feijóo, posiciona a Galicia como tierra de "abrazo", de acogida y un lugar para regresar: "en Galicia los matices son infinitos, es una síntesis que combina la tradición y la modernidad, lo rural y lo urbano, la naturaleza en Estado puro y bellísimas construcciones humanas".

Notas

Asteriscos Real Estate SL e a Universidade de Santiago de Compostela asinaron este venres 20 o contrato de compra-venta do antigo Hospital de Galeras. Asteriscos Real Estate formalizou tamén o primeiro pagamento da compra do inmoble de 3.597.805 euros, o 50% do importe total. Por outra parte, celébrase o Día do Grupo Compostela co que a rede busca visibilidade sobre o seu labor coas comunidades.
A directora xeral de History Channel Iberia, Carolina Godayol, e o director de Afiliados, Medios Dixitais e Investigación de Viacom, Daniel Muñoz, inauguran o foro o día 24 de xaneiro na Cidade da Cultura. O creador de Unicoos e finalista do Global Teacher Prize 2017, David Calle, ofrece a conferencia de apertura do 25 de xaneiro.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania