Notas de prensa

Unha campaña busca captar novos socios e socias para o Museo do Pobo Galego

A campaña pretende ser unha forma de que esta entidade poida seguir aumentando a súa cifra de persoas asociadas, tendo como elemento central da mesma a figura das persoas que conforman a base social do Museo. A entidade entende que os seus socios e socias son parte do sostén económico e social e tamén testemuña da participación da sociedade no Museo.

O alcalde de Santiago, Martiño Noriega, acompañado do presidente do Padroado do Museo do Pobo Galego, Justo Beramendi, e do fotógrafo e representante dos socios e socias da entidade, Tino Viz, deu a coñecer a campaña Teño un museo, que se estende a toda a sociedade.

A campaña pretende ser unha forma de que esta entidade poida seguir aumentando a súa cifra de persoas asociadas, tendo como elemento central da mesma a figura das persoas que conforman a base social do Museo. A entidade entende que os seus socios e socias son parte do sostén económico e social e tamén testemuña da participación da sociedade na construción do Museo.

Martiño Noriega cualificouno como "un centro que pretende ser o museo de todas e todos os galegos, pero que ademais, dende a propia forma xurídica en que se constitúe, a asociación fai que cada persoa asociada sexa dona e responsable da entidade". Esta é a idea que a campaña recolle dende o seu mesmo título, Teño un museo.

Para Justo Beramendi, "segue a ser fundamental o conxunto dos socios do Museo, que non só contribúen ao seu sostemento económico, senón que son as súas raíces na sociedade. Con tal fin, engadiu, "están encadrados e imbricados nos órganos de representación e goberno da nosa estrutura e teñen autonomía de acción. Un modelo que vén dando froitos continuos e importantes para ben da empresa común. E o último froito é esta campaña de captación que vai in crescendo e que acompañará durante 2017 a celebración do XL Aniversario da inauguración das primeiras salas do Museo en outubro de 1977".

O presidente do Padroado recoñeceu "a importancia que tivo o Concello de Santiago na creación do Museo do Pobo Galego e durante os case 40 anos da súa existencia" e quixo agradecer "a especial colaboración prestada na campaña que hoxe damos a coñecer". Así, o alcalde de Santiago asegurou que "o Concello, como patrón institucional do Museo, non se pode poñer de perfil ante iniciativas como esta" e amosou "toda a nosa colaboración".

Teño un museo é o resultado do traballo en equipo dunhas serie de persoas socias: Ana Estévez Lavandeira (técnica responsable do DEAC do Museo), que ideou a campaña; o fotógrafo Tino Viz, que desenvolveu a parte gráfica e a xornalista; e Arancha Estévez, que escribiu os textos. A maiores, o alcalde quixo agradecer "aos representantes dos e das socias que apoiaron a idea e colaboraron no traballo e tamén ás persoas que prestaron a súa imaxe para a campaña". Os textos e as 16 imaxes que os acompañan poden verse no enderezo electrónico da campaña (tenhounmuseo-museodopobo.tumblr.com) e nunha serie do mupis ao longo de toda a cidade.

Para a campaña prestaron a súa imaxe Antía Cal, Fran P. Lorenzo, Iain Colqunhoum, Trinidad Abelleira, a familia Vázquez, Joaquín Jueguen, Eduardo Navarro, Herminia Pernas, Hugo Sanjiao, Anxo e Manuel Fernández Moscoso, Víctor Dios, Otilia Pérez, Delfín Paz, Xosé Turnes, Concha Losada e Navia.

Gabinete de Comunicación do Concello de Santiago de Compostela, 2017-01-09

Actualidad

Foto del resto de noticias (trabajadores_almacen.jpg) Las exportaciones de Galicia al exterior crecieron un 10,5% entre enero y mayo con respecto al mismo periodo del año anterior, según los datos publicados por el Ministerio de Economía, Industria y Competitividad. La Xunta indica que los cinco primeros de 2017 son los de mayores ventas al exterior de la comunidad de todo el registro histórico, y destaca el sector de la industria conservera.
Foto de la tercera plana (mestre_mateo_expo_xelmirez.jpg) El Pazo de Xelmírez de la Catedral de Santiago de Compostela alberga una exposición centrada en la obra del Mestre Mateo que reúne piezas que formaban parte del Pórtico de la Gloria original: "esculturas con mayúsculas" de "uno de los principales artistas de la Edad Media", según los organizadores que destacan que algunas de ellas fueron recuperadas durante las obras de restauración del monumento.

Notas

Máis de 11.600 alumnos desde 5º de Primaria a 2º de ESO recibirán unha ensinanza completamente dixital grazas á extensión do proxecto E-Dixgal a 60 novos centros. O presidente da Xunta indica que o 14% dos centros de ensino obrigatorio públicos contarán con proxectos de educación dixital, seis puntos porcentuais máis que no curso escolar 2014/15.
A Real Filharmonía de Galicia celebrará 25 concertos na nova temporada, ademais de actuacións gratuítas en espazos singulares e propostas didácticas, según a presentación da nova temporada de abono 2017-2018 na súa sede, o Auditorio de Galicia. Conmemóranse fitos como o 300º aniversario da estrea da Música Acuática de Haendel ou o centenario do pasamento de Debussy.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania