Notas de prensa

Dous nenos de nove anos e un de cinco, autores das cartas de Nadal máis imaxinativas

O Correo do Nadal recolleu durante as pasadas semanas centos e centos de cartas escritas polos nenos e nenas de Santiago, dirixidas aos personaxes máxicos que cada ano lles traen os agasallos destas festas. Cumprindo o encargo que recibiran, os nenos e nenas foron escritores imaxinativos e tamén ilustradores creativos.

Amosaron nos seus textos cales eran os regalos que agardan pero, tamén, contáronnos como era o Nadal cando os seus avós e avoas tiñan a súa idade. Foron moitos e moitas os que escribiron ao Apalpador, máis aínda aos Reis Magos e mesmo algún ao Pai Natal. E nas cartas que o Correo do Nadal tramitou ao seu destino destacou especialmente a proposta que recibiran de amar a lingua galega como se ama as árbores, que son únicas e irrepetibles.
Despois de lelas coidadosamente, os emisarios do mundo da Maxia, transmitíronlle ao Concello o resultado da escolla das tres cartas que recibirán directamente dos Reis Magos un regalo especial o día da cabalgata, para que continúen cultivando o galego tanto como o fixeron ata agora.

Nicolás Castro Martínez, o autor máis pequeno dos tres, con 5 anos, cóntanos como a súa avoa Gloria vivía o Nadal en Ourense: o seu avó levábaa a ver Beléns e os Reis Magos deixábanlle bonecas.

Lucas Martín Loureiro, con 9 anos, conta na súa carta o ben que o pasou o día anterior cando foi coa súa avoa Lía a buscar brión ao monte para facer a herba do Belén. Ela faloulle de como ía cantar polas portas dos veciños panxoliñas nestas datas cando era pequena e tamén nos dá un exemplo de panxoliña galega: "Vide ver o neno..."

Damián López Teo, de 9 anos, saúda os Magos do Nadal ofrecéndolles unha fermosa panxoliña inventada por el mesmo. Cóntanos como cando a súa avoa era cativa facía turrón e doces na casa, vivía o Nadal en familia e montaba o nacemento e tamén comían ameixas e polo da casa. Para finalizar querería que os Magos lle deixasen un libro de grande éxito nos pedimentos deste ano: Cinco horas con Mauro.

Os Magos tamén transmitiron a súa sorpresa e alegría por unha enorme e estupenda carta colectiva que recibiron da aula de 4 anos do CEIP Quiroga Palacios. Nela, vese como os pequenos e pequenas elaboraron as súas postais, que tamén nos achegan, a carón dos seus maiores que os acompañaron o día 16 de decembro na súa propia aula. Os Magos, interesados por este traballo colectivo aula-familia-Concello, en canto volvan das súas viaxes repartindo agasallos, parece ser que un emisario que vai achegar a Conxo para lles levar un galano.

O resto das máis de 1.000 cartas recibidas serán tamén contestadas persoalmente polos Magos do Nadal e os seus colaboradores. Nas próximas semanas irán chegando ás casas os sobres coa resposta para todos aqueles que puxeron o seu enderezo. Nelas irá outro anaquiño de ilusión para lembrar que debemos seguir cultivando o noso mellor agasallo: a lingua.

Gabinete de Comunicación do Concello de Santiago de Compostela, 2017-01-04

Actualidad

Foto del resto de noticias (accesibilidad.gif) La Comisión de Ordenación Territorial del Parlamento aprobó una proposición no de Ley del PSdeG para urgir a la Xunta a aprobar, antes de julio de 2018, el Reglamento de desarrollo de la Ley de Accesibilidad y el código técnico de accesibilidad. El PSdeG dice que el retraso en el desarrollo de la norma provoca inseguridad jurídica
Foto de la tercera plana (cidade_da_cultura_iluminada.jpg) El conselleiro de Cultura, Román Rodríguez, presidió la primera reunión de trabajo para la planificación de la acción cultural de la comunidad para los próximos cuatro años. Esta reunión -en la que participaron representantes de los campos musical, del libro, de las artes plásticas, del audiovisual y de la gestión cultural- se enmarca dentro de los múltiples encuentros de ámbito territorial y sectorial previstos.

Notas

O programa Ponnos verde! levarase a cabo todos os sábados entre o 2 de decembro e o 24 de marzo, con parada nas vacacións de Nadal. Trátase dunha iniciativa da Fundación Cidade da Cultura, co apoio da Fundación USC Deportiva e o patrocinio de Viaqua para implicar á poboación na conservación ambiental.
O Palacio de Santa Bárbara convértese ata o 26 de novembro no epicentro do sector artesanal galego, cunha selección de pezas de máis de 50 profesionais. Expóñense os complementos de moda e bixutería elaborados no marco do proxecto Enredadas, galardoado na última edición dos Premios Nacionais de Artesanía.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania