Notas de prensa

As tres redes de espectáculos da Agadic ofreceron 897 funcións escénicas e concertos durante todo o ano 2016

Un total de 83 espazos acolleron a programación da Rede Galega de Teatros e Auditorios, a Rede Galega de Música ao Vivo e a Rede Galega de Salas, cun incremento de actividade próximo ao 10 por cento respecto ao ano anterior. A nova carteleira semestral destes tres circuítos arranca o día 12 de xaneiro de 2017, según confirma Agadic.

As tres redes de distribución de espectáculos escénicos e musicais da Axencia Galega das Industrias Culturais (Agadic) pecharon 2016 cun balance de 897 funcións e concertos programados nos seus 83 espazos asociados. Esta cifra de actuacións supón un incremento próximo ao 10 por cento respecto á actividade rexistrada o ano anterior, durante o que a Rede Galega de Teatros e Auditorios (RGTA), a Rede Galega de Música ao Vivo (RGMV) e a Rede Galega de Salas (RGS) acolleron 819 representacións.

Este aumento ascende ao 14,26 por cento no caso da Rede Galega de Teatros e Auditorios, que o ano pasado despregou unha carteleira de 545 actuacións en 39 concellos das catro provincias. Teatro, música, danza, maxia e novo circo tiveron cabida nesta programación, na que participaron 159 compañías e grupos musicais, galegos na súa meirande parte.

Investimento anual de 1,42 millóns de euros

A RGTA, que conmemorou en 2016 o vixésimo aniversario da súa posta en marcha, ten como obxectivo prioritario servir de canle estable para o encontro entre o público e a nova produción galega. A súa oferta anual estivo cofinanciada entre a Consellería de Cultura e Educación, a través da Agadic, e as entidades xestoras dos 44 espazos asociados, cun investimento final de 1.423.169 euros.

Pola súa banda, a Rede Galega de Música ao Vivo cumpriu oito anos de actividade ininterrompida na procura dunha maior estabilidade na distribución de música en directo en locais de aforo reducido de toda Galicia. Promovido en colaboración coa Asociación Galega de Salas de Música ao Vivo Clubtura, este circuíto ofreceu en 2016 un total de 233 actuacións en 34 salas de 23 localidades. Neste caso, a Axencia Galega das Industrias Culturais asumiu o 85% do total de 108.742 euros que se destinaron a esta última programación anual, protagonizada por 76 formacións.

En canto á Rede Galega de Salas, os seus cinco espazos acolleron unha carteleira de 119 funcións desenvolvidas por 40 compañías, entre as que destacaron cuantitativamente as propostas específicas para o público infantil e familiar. O orzamento reservado a este circuíto, financiado integramente pola Agadic, foi de 60.000 euros.

A nova programación semestral destes tres circuítos, que será presentada proximamente, arrancará o vindeiro 12 de xaneiro e poderá ser consultada a través das seccións de axenda do web de Cultura da Xunta de Galicia (www.cultura.gal) e da Agadic (www.agadic.gal/Axenda).

Gabinete de Comunicación da Xunta de Galicia, 2017-01-03

Actualidad

Foto del resto de noticias (abau_reunion.jpg) La comunidad gallega adelantará finalmente la prueba de selectividad de septiembre, ahora conocida como ABAU, al mes de julio a partir del próximo curso 2018-2019. Educación, CIUG y universidades acuerdan este adelanto en la convocatoria extraordinaria de la prueba de acceso a la universidad, de tal forma que el alumnado que en el próximo curso 2018/19 esté matriculado en 2º bachillerato ya se verá beneficiado por la misma.
Foto de la tercera plana (carlos_casares_letrasgalegas2017.gif) El Simposio Carlos Casares -organizado por la Real Academia Galega (RAG) con el apoyo de la Consellería de Cultura y Educación- repasa durante tres días, hasta el jueves 23 de noviembre, en la sede de la RAG y de la mano de 16 especialistas, la figura, la vida y la obra del autor ourensano homenajeado por las Letras Gallegas 2017.

Notas

Estará tamén activa a alerta laranxa por vento nas provincias de Lugo e da Coruña. A partires das 9,00 horas de mañá quedan suspendidas as actividades escolares ao aire libre na provincia da Coruña e na Mariña de Lugo. A Xunta recorda a necesidade de extremar as precaucións, seguir as medidas de protección pertinentes e consultar a súa web www.112galicia.org
Más de 3100 alumnas y alumnos de 3.º y 4.º curso de educación primaria de 46 centros escolares de Pontevedra y provincia disfrutan hasta el 22 de noviembre de esta producción en gallego de Teatro dos Ghazafelhos. Rubicundo es una producción de Teatro dos Ghazafelhos que cuenta una historia sobre la amistad, la constancia y la poesía.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania