Notas de prensa

O BNG pide ao Goberno que pense nas necesidades de Galiza e abandone as receitas de hai oito anos

A voceira nacionalista Ana Pontón reiterou que o BNG “segue coa man tendida. Feijóo debe escoller, ou ben a man que une a todos e todas as galegas ou ir de ganchete de Ana Pastor e Rajoy”. O BNG presenta a proposta do Plan Retorna para que volva a xuventude emigrada desde o ano 2009: 207.000 persoas de entre 16 e 35 anos.

A portavoz parlamentaria do BNG, Ana Pontón compareceu hoxe ante os medios de comunicación para anunciar as prioridades nacionalistas cara os orzamentos do 2017.A parlamentaria incidiu na necesidade de mudar de modelo e medidas que non permiten, ao seu entender, ofrecer “unha saída”. Neste sentido sinalou que existe un incremento no número de persoas que non chegan a fin de mes, “seis de cada dez persoas chegan con dificultade” ademais de manterse a precariedade laboral e emigración xuvenil.

A nacionalista afirmou que dende o ano 2009 emigraron 207.000 persoas de Galiza entre os 16 e 35 anos, producíndose un pico no 2015 con 30.000 persoas.

As promesas económicas de Feijóo acabaron sendo “un bluff”, e da igual, dixo que falemos do coche eléctrico, das promesas de Pemex, do concurso eólico ou dos miles de postos de traballo que prometeu porque todo quedou en “auga de borralla”.

Dende o BNG propoñemos un Plan Retorna para a volta da xuventude emigrada destinando 90 M€ a medidas de choque que favorezan a volta de 100.000 mozos e mozas emigradas.

A deputada asegurou que ante a situación de desigualdade e deterioro dos servizos públicos cumpre un novo modelo para o seu rescate co fin de que todos e todas teñamos acceso á sanidade, educación e dependencia priorizando ademais a loita contra a pobreza e apostar por un modelo sustentable que coide do noso medio ambiente.

Nesta liña apuntou algunhas das medias que o BNG propón no orzamentos do ano 2017 entre as que destacou: “ duplicar os orzamentos en I+d+i, con 260 M€ dirixidas á innovación na transformación de actividades primarias, novas oportunidades nas ecotecnoloxías verdes e renovables así como en sectores estratéxicos como a automoción, téxtil ou naval.”

Pontón considerou necesario un plan de choque para rescatar os servizos públicos comezando polo Hospital Álvaro Cunqueiro e Vigo, reducir as listas de espera, suprimir o repagamento sanitarios e repoñer aos traballadores da sanidade eliminados nos últimos anos.

Para as políticas de igualdade e loita contra a violencia de xénero Pontón propuxo o 1% do orzamento total da Xunta.

Un país moderno, engadiu debe contar cun modelo sustentable e para iso é preciso rematar co modelo de SOGAMA. Nós apostamos por plantas de compostaxe que poderían crear 1.500 postos de traballo directos en Galiza, unha aposta estratéxica polo saneamento das rías e un tren de cercanias.

Feijóo debe decidir coller a man dos galegos e galegas ou ir de ganchete de Ana Pastor e Rajoy

A preguntas dos xornalistas sobre as declaracións de Feijóo e os compromisos nesta X Lexislatura, a portavoz do BNG criticou as promesas incumpridas do presidente da Xunta entre os que destacou o acordo para salvagardar as caixas de aforros para despois propiciar a súa venda e o gran acordo de país para contar cunha AP-9 galega e contra as abusivas peaxes. Feijóo aínda non dixo que vai facer por iso propoñemos un fronte común para rescatar aos galegos e galegas dunhas peaxes que son “unha estafa e un imposto á circulación”.

Seguimos coa man tendida para acordos pero pregúntome se Feijóo quere “coller a man que une aos galegos e galegas ou prefire ir de ganchete da Sra. Pastor e o Sr. Rajoy”.

Gabinete de Comunicación do BNG, 2016-11-28

Actualidad

Foto del resto de noticias (abanca_convencion_2018.jpg) Abanca espera llegar al fin del trienio 2018-2020 con una morosidad inferior al 3% y un volumen de negocio por encima de los 75.000 millones de euros, según se confirmó durante la cuarta convención anual de Abanca celebrada en el Coliseum de A Coruña bajo el título de "Juntos mejor" y con una participación de casi 4.000 personas. También se hizo balance del Plan Estratégico 2014-2017 para abrir una nueva etapa.
Foto de la tercera plana (o_son_do_camino_2018_pres.jpg) El Monte do Gozo de la capital de Galicia acoge del 28 al 30 de junio el festival O Son do Camiño que contará con una treintena de artistas de renombre internacional, que en muchos casos visitan Galicia por primera vez, y de grupos gallegos de referencia. The Killers, Lenny Kravitz y Jamiroquai encabezan el cartel de este evento que, según la Xunta, contribuirá a dar a conocer al mundo la llegada del Xacobeo 2021.

Notas

Vigo acolle ata o domingo 4 de marzo a primeira exposición que permite ao público admirar por primeira vez o Pergamiño Vindel, custodiado desde hai catro décadas na Morgan Library de Nova York. A sesión académico-literaria está prevista para o xoves 1 de marzo no paraninfo da reitoría da Universidade de Vigo. Abórdanse distintas olladas ás cantigas de amigo e por Martín Codax, entre o século XIII e XIV.
O concerto leva por nome Rock & Elas e contará cos grupos de rock galegos Bala e Agoraphobia, "formados integramente por mulleres e que están abríndose camiño con forza no panorama musical do noso país", tal e como destacou a concelleira Noa Morales. Ambos grupos son coñecidos, sobre todo, entre a xente moza, e xa actuaron xuntos nalgún festival de rock.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania