Notas de prensa

As lonxas galegas disporán dunha plataforma tecnolóxica única para poxas online

A Xunta porá a disposición das lonxas unha plataforma tecnolóxica única que integrará os sistemas de pesada e de clasificación e posibilitará as poxas online. A conselleira do Mar e a directora da Amtega acordan financiar este proxecto de modernización en distintas rulas que decidirán de xeito voluntario se queren participar.

A conselleira do Mar, Rosa Quintana, e a directora da Axencia para a Modernización Tecnolóxica de Galicia (Amtega), Mar Pereira, asinaron un acordo de colaboración para o financiamento de proxectos de modernización tecnolóxica en lonxas galegas. A través del as rulas que o soliciten poderán beneficiarse de melloras tecnolóxicas nas súas instalacións que permitirán unha xestión máis eficiente da actividade que desenvolven, sobre todo en materia de comercialización, trazabilidade e seguridade alimentaria e tamén en aspectos relacionados coa xestión económica.

Este acordo recolle accións concretas como a modernización da infraestrutura tecnolóxica das lonxas, melloras no sistema de capturas descargadas, a súa poxa e a emisión dos documentos precisos para a súa comercialización. Ademais, tamén contempla a posta en marcha de iniciativas que faciliten as xestións da actividade propia da lonxa, como pode ser actividade contable, entre outros aspectos.

A conselleira do Mar explicou que a Consellería comunicará ás lonxas a posibilidade de sumarse á renovación e serán as rulas as que decidan de xeito totalmente voluntario se a queren acometer. Sinalou ademais que o proxecto se iniciará en preto de media ducia de lonxas a través dunha fase piloto e irase estendendo ao resto das rulas. Con esta fase piloto, subliñou, mellorarase o proceso de instalación do sistema e terase en conta para os anos vindeiros.

Rosa Quintana engadiu ademais que estas accións de modernización permitirán mellorar a xestión das rulas en todo o que ten que ver coa comercialización, a trazabilidade e a seguridade alimentaria. Tamén contribuirá a aumentar a eficiencia enerxética e a seguridade e condicións de traballo. Estes son aspectos fundamentais, explicou, tendo en conta que as lonxas son na actualidade os centros neurálxicos para a comercialización en orixe dos produtos pesqueiros.

Para levar a cabo estas actuacións nas rulas, a Consellería do Mar investirá máis de 3,8 millóns de euros que se distribuirán nas anualidades 2016, 2017, 2018 e 2019. Esta cantidade será cofinanciada nun 75% polo Fondo Europeo Marítimo e da Pesca (FEMP).

A directora de Amtega sinalou que esta actuación permitirá abordar a modernización das lonxas para facilitar o traballo diario que se desenvolve nelas a través de dúas liñas de actuación. Por unha banda, melloraranse tanto as infraestruturas como o equipamento tecnolóxico das lonxas e, por outra, porase á súa disposición unha plataforma tecnolóxica única, que integrará o sistema de pesada e de clasificación e poxa, informatizando a xestión dunha información que ata agora se realizaba de xeito manual, o que redundará nunha axilización destes procedementos e posibilitará as poxas online, o que axudará a mellorar a comercialización. Mar Pereira enmarcou esta medida no Proxecto Primare, a estratexia para impulsar o desenvolvemento dos sectores primarios galegos a través das TIC.

O acordo estará vixente ata o momento no que finalice a execución dos contratos previstos, sendo o prazo máximo ata o 30 de novembro de 2019. Non obstante, antes da finalización deste prazo, as partes poderán formalizar unha addenda ao acordo na que se poderá fixar unha prórroga.

Gabinete de Comunicación da Xunta de Galicia, 2016-09-16

Actualidad

Foto del resto de noticias (CatasdeGalicia_gala.jpg) Los viticultores, bodegueros, enólogos y sumilleres más distinguidos de Galicia se dieron cita en el Parador de Santo Estevo de Ribas de Sil para asistir a una nueva edición de las Catas Oficiales de Vinos y Aguardientes de Galicia, el evento más importante para el sector vitivinícola de la comunidad. A través de este veterano certamen, la Consellería do Medio Rural buscaba nuevamente identificar y premiar a los mejores caldos elaborados fundamentalmente con uvas de variedades autóctonas, dotados de un carácter único y una personalidad reconocible. Para esta trigésima Cata de Vinos de Galicia se batían todos los records en cuanto a número de inscritos, con 363 muestras finales de blanco y tinto.
Foto de la tercera plana (gandaria_2.jpg) A comisión territorial de seguros agrarios reuniuse hoxe na Consellería do Medio Rural e valorou os avances neste ámbito en Galicia. Entre os datos destacados, a directora xeral de Gandaría, Agricultura e Industrias Agroalimentarias, Belén do Campo, sinalou os cinco millóns de euros que este ano achegaranse para subvencionar as distintas liñas de seguros en Galicia. Trátase da cantidade máis alta dos últimos seis anos. De feito a Xunta de Galicia fixo un importante esforzo para compensar a baixada de 10 puntos porcentuais que aplicou o Ministerio a todas as liñas de seguro agás a retirada de cadáveres.

Notas

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan desde finais de xullo ata setembro un total de 30 xornadas sobre robótica, pilotaxe de drons e creación de personaxes para videoxogos enmarcadas no programa “Tech Kids” para fomentar o interese pola ciencia e a tecnoloxía entre a mocidade galega.
A Rede Galega de Música ao Vivo (RGMV) inicia mañá a nova programación para o segundo semestre do ano con dous concertos de verán, que terán lugar na sala A Ventana de Laxe, onde actuará o grupo feminino Ejazz ás 23,30 h., e no Náutico do Grove, no que soará a homenaxe ao rock hispano dos anos 60 a cargo de Los Mecánicos a partir da medianoite. Ambas citas, programadas en locais a carón da praia como parte da oferta cultural galega.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania