Notas de prensa

O medallista olímpico Cristian Toro recibe a insignia de ouro da Deputación de Lugo

O Presidente da Deputación, Darío Campos Conde, recibiu no salón de plenos do Pazo de San Marcos ao palista lucense Cristian Isaac Toro, recentemente proclamado campión olímpico na proba de K-2 200 metros, nos Xogos de Río de Janeiro 2016. Toro recibiu a insignia de ouro da Deputación, unha distinción que vén a recoñecer a súa incuestionable traxectoria ao longo dos últimos anos.

Así mesmo, Cristian Toro asinou no libro de ouro da provincia, no que deixou constancia do seu agradecemento á Deputación polo apoio recibido.


Campos Conde sinalou que “é un orgullo para a nosa provincia contar cun deportista da talla de Cristian Toro, unha referencia no mundo do piragüismo e un exemplo para os máis pequenos deste deporte. A túa impecable traxectoria é froito do esforzo, do compromiso e do traballo diario. O teu sacrificio levoute a triunfar en campionatos nacionais e europeos, ata conquistar a medalla de ouro olímpica, o soño de calquera deportista de elite”, engadiu.

Ouro olímpico

Cristian Toro, no seu debut olímpico, deulle a Lugo unha medalla de ouro nos Xogos Olímpicos de Río despois de impoñerse na final do K2 200 metros xunto á súa parella de embarcación, Saúl Craviotto, cun tempo de 32:07 segundos, finalizando por diante dos británicos L. Heath y J. Schofield, segundos clasificados, e os lituanos E. Ramanauskas y A. Lankas, que completaron o podio.

Deputación Provincial de Lugo, 2016-08-30

Actualidad

Foto del resto de noticias (mit_ribadavia.jpg) A Mostra Internacional de Teatro de Ribadavia remata cun récord de asistencia de espectadores, chegando case ao 100% da ocupación das localidades no Castelo e cunha participación masiva nas rúas e nas actividades paralelas. O Premio do público recaeu na compañía A PANADARÍA, co espectáculo ELISA E MARCELA, superando por décimas á segunda máis votada, a mexicana Los Colochos con Mendoza. Esta edición destacou pola media alta de asistencia e valoración dos espectáculos, tamén pola proxección internacional e pola repercusión que a MIT está tendo en diversos ámbitos, do económico ao social.
Foto de la tercera plana (xogar_en_verde.jpg) A Consellería de Medio Ambiente e Ordenación do Territorio fomentará que os eventos deportivos sexan cada vez máis sustentable, grazas a liña de acción Xogar en Verde. Trátase dunha iniciativa dentro da campaña Verdear é a actitude, posta en marcha pola Xunta de Galicia, co fin de afrontar os retos e valores de sustentabilidade. A conselleira de Medio Ambiente e Ordenación do Territorio, Beatriz Mato, visitou esta mañá un taller de fomento de recollida selectiva, no que participaron aos rapaces do campus da Asociación de Fútbol Aficionado da Coruña.

Notas

Case setenta concellos teñen proxeccións cinematográficas este verán nas súas programacións a través do circuíto cultural da Deputación da Coruña. O programa Visións da Rede Cultural leva un amplo abano de películas en 66 proxeccións ata fin de agosto. Parques, prazas ou xardíns de maneira especial convértense neste verán en salas abertas de proxeccións para o programa Visións da Rede Cultural da Deputación da Coruña.
A Amtega convoca a XI edición do Premio ao Mellor Proxecto Universitario con Licenza Libre co obxectivo de achegar aos universitarios galegos ao software libre e ás posibilidades de emprego que lles pode abrir a publicación ou colaboración con proxectos libres. O premio está dotado con 2.250 euros, repartidos nun primeiro premio de 1.500€ e nun segundo de 750 euros, grazas á achega do CIXUG e do GPUL, respectivamente.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania