Compostela acolle a presentación do proxecto A marea do pobo para En Marea
A Marea do Pobo, candidatura que se presenta ás primarias de En Marea nas provinciais de A Coruña, Lugo e Pontevedra, presentou hoxe en rolda de prensa, diante do Museo do Pobo Galego, en Compostela, o proxecto político, económico e social que vén condensado ao redor dun documento 25 propostas para un goberno de esquerdas o 25 S.
A MAREA DO POBO entende que a experiencia acumulada ao longo destes anos polos deputados e deputadas de AGE, así como a presenza de activistas e defensores dos servizos públicos serve de aval para definir, xunto coas restantes organizacións e colectivos que conforman o espazo de confluencia de EN MAREA, un programa de acción de goberno que será o que sirva de guieiro para derrotar á dereita de Feijóo o 25 S e poñer en marcha un goberno que defenda á maioría social agredida.
O acto contou coa presenza de membros das tres candidaturas provinciais, sendo as persoas que ostentan os principais postos de saída as que tomaron a palabra para expoñer as liñas mestras do proxecto de A MAREA DO POBO.
A candidatura de Lugo estivo representada por Vanessa Somoza, cabeza de lista, que aproveitou a súa intervención para defender unha política en materia de inclusión social pública que invirta a tendencia actual de empobrecemento xeralizado da sociedade, onde máis de 670 mil persoas están en risco de exclusión social e un 46 % ten moitas dificultades para chegar a fin de mes.
Por parte da candidatura de Pontevedra estiveron os seus dous cabezas de listas, Eva Solla (nº 1) e Juan Fajardo (nº 2), que fixeron unha detallada e sintética diagnose sobre a deficitaria situación da nosa sanidade pública, debido aos recortes e ás privatizacións, e sobre a situación dos nosos sectores produtivos, o campo e o mar, respectivamente, e cales deben ser as principais medidas destinadas a converter eses eidos en estratéxicos para a sociedade do futuro máis inmediato.
Finalmente, por parte da candidatura de A Coruña estiveron Lorena Dapena (nº 2) e Xabier Ron (nº 3). A primeira centrou a súa intervención sobre as desastrosas consecuencias das políticas austericidas de Feijóo no servizo público da educación, sometida a un proceso de devaluación deliberado, para introducir cada vez máis concertos educativos, ao mesmo tempo que se recurtan persoal e se pechan escolas públicas; igualmente, a segunda candidata falou da penosa situación en que están a nosa cultura e o patrimonio histórico debido ao desleixo e á irresponsabilidade da dereita. Pola súa banda, Xabier Ron (nº 3) dedicouse a enfatizar os aspectos xerais do proxecto político de A MAREA DO POBO.
A Marea do Pobo, 2016-08-17
Actualidad
O equipo, eminentemente galego e cunha moi alta porcentaxe feminina, está a filmar en distintas localizacións das provincias da Coruña e Lugo, a través das que se reconstrúe o nacemento e a evolución da mítica fábrica de cerámica, que se deu en chamar a Bauhaus galega polas cores, formas e deseños vangardistas das súas creacións. Ao tempo, contarase tamén a historia de Galicia a través do seu deseño, cos seus elementos diferenciais e de calidade no centro do discurso. Outros dos escenarios polos que discorrerá Hoxe e o resto do mundo son Cervo (Lugo), onde comeza esta historia a primeiros do século XIX, Sada (A Coruña) e Santiago de Compostela, ademais doutros espazos da cidade herculina.
O CDG celebra os 40 anos da súa fundación desenvolvendo unha intensa programación que estende a súa actividade á produción e participación en 15 espectáculos e proxectos escénicos, a máis de 100 concellos de toda a Comunidade e á colaboración con entidades dunha decena de países en Europa e América. En palabras de Román Rodríguez, conselleiro de Cultura, a unidade teatral continuará avanzando nunhas liñas mestras que, desde o respecto ao pasado, poñen o foco en novas vías de encontro coa cidadanía, na accesibilidade, na proxección exterior ou na creación galega.
Notas
A Facultade de Química será entre os días 3 e 6 de setembro a sede do XI Congreso Internacional de Nanociencia e Nanotecnoloxía Analítica (XI NyNA 2024). O encontro está organizado polo grupo de investigación de Elementos Traza, Espectroscopía e Especiación (GETEE) e o Instituto de Materiais (iMATUS) da USC coa colaboración do Grupo Especializado en Ciencia e Tecnoloxías (Bio) Analíticas da Real Sociedade Española de Química (RSEQ).
Os vindeiros 9, 10 e 11 de abril celébrase na Universidade da Coruña o primeiro congreso IA & Hospitality, un espazo onde se analizará a relación presente e futura entre a Intelixencia Artificial e o turismo, un dos principais motores económicos do noso país. O programa do congreso, que terá lugar no Paraninfo da UDC, inclúe oito mesas de debate nas que se tratará dende a experiencia do cliente ata a ciberseguridade e os destinos e a IA.