viernes, 19 de abril de 2024
A conselleira do Mar, Rosa Quintana, participou nos obradoiros da campaña Ponlle as pilas ao teu bocata que se realizaron no Centro de Educación Infantil e Primaria Mestre Vide, en Ourense. Esta iniciativa, desenvolvida dende o ano 2010 pola ConsellerÃa do Mar coa colaboración das ConsellerÃas de Cultura, Educación e Ordenación Universitaria, a de Sanidade e ANFACO-CECOPESCA busca achegar o mundo das conservas e dos produtos do mar aos nenos e nenas e dende aquela máis de 45.000 participaron nas súas actividades.
A través dos obradoiros, nos que participaron máis de 300 alumnos do CEIP Mestre Vide, os nenos e nenas aprenden contidos relativos aos valores nutritivos das conservas de produtos do mar e realizan xogos nos que poden experimentar coa realidade virtual, realizando diversos quebracabezas e activando as imaxes animadas que aparecerán nunha pantalla. Neste acto tamén estiveron os directores xerais de Pesca, Acuicultura e Innovación Tecnolóxica, Juan Maneiro, e de Centros e Recursos Humanos, José Manuel Pinal e o alcalde de Ourense, Jesús Vázquez.
Outra das actividades desta campaña é a elaboración de bocatas a base de conservas do mar como atún e sardiña en aceite de oliva, mexillón en escabeche, choco na súa tinta e produtos frescos como leituga, tomate, millo, cenoria, queixo e olivas. Deste xeito, búscase fomentar o consumo de conservas de peixe e marisco entre o alumnado de educación primaria e transmitirlles a importancia das súas achegas nutritivas.
Grazas a estes obradoiros tamén se fomenta entre os nenos e nenas o coñecemento das distintas especies de peixe e moluscos e as súas caracterÃsticas nutricionais e aprenden a manipular os alimentos do mar desde un punto de vista gastronómico empregando as conservas como base de receitas sinxelas.
Ademais de estar presente en colexios públicos, Ponlle as pilas ao teu bocata tamén se desenvolve en campamentos urbanos nos diferentes concellos de Galicia, campamentos de verán da Xunta de Galicia, escolas de verán, actividades culturais e eventos deportivos. A maiores, a iniciativa conta coa páxina web www.ponlleaspilasaoteubocata.xunta.es, que entre os seus contidos inclúe receitas de bocatas, consellos de alimentación, unha unidade didáctica e xogos dirixidos ao público infantil.
O director xeral de Relacións Exteriores e coa UE, Jesús Gamallo, participou na sesión plenaria do Comité Europeo das Rexións (CdR), onde Galicia presentou 21 emendas a catro dos ditames sometidos a aprobación. Un dos máis relevantes para a comunidade foi o ditame sobre a ferramenta de facilitación transfronteiriza. Calcúlase que a eliminación do 20% das barreiras e obstáculos xurÃdicos e administrativos actuais entre rexións de fronteira na UE -entre as que se atopa Galicia, que conforma unha Eurorrexión xunto co Norte de Portugal- permitirÃa aumentar o seu PIB nun 2% e crear nelas ata un millón de empregos.
InnovArt 24, o maior evento en Galicia de promoción e difusión das ensinanzas artÃsticas, de idiomas e deportivas propicia o encontro entre as vocacións e os profesionais, e facilita que o alumnado de diferentes niveis educativos se familiaricen e tomen contacto cos eidos da arte dramática, as artes plásticas e deseño, a conservación e restauración de bens culturais, a danza, as ensinanzas deportivas, os idiomas e a música. A feira conta cunha zona de 4.100 m² no Museo Centro Gaiás, na que os visitantes poden participar en obradoiros de artes plásticas e deseño, traballos de conservación e restauración de bens culturais, actividades deportivas didácticas de música, arte dramática e danza, asà como de idiomas. Tamén se ofrecen mostras e exhibicións das distintas ensinanzas, concertos, conferencias e espectáculos escénicos en directo.
