O longo da SEMANA INTERNACIONAL DE CINE DE AUTOR, celebraranse diversas taboas redondas e debates.

A “MELLOR PELICULA” da Sección Oficial será elexida polo público asistente, a través das papeletas de votación que se entregarán na entrada da sala.

Durante a SEMANA DE CINE permanecerán abertas diversas exposicións, relacionadas co cine e co XXV ANIVERSARIO DA SEMANA.

A XXV SEMANA DE CINE rinde unha homenaxe especial ó actor lucense LUIS TOSAR, por iso, e antes de cada sesión, na música de sala poderanse oír as bandas sonoras das súas películas.

FONMIÑA e a SEMANA DE CINE queren agradecer de forma especial a desinteresada axuda de todas aquelas persoas que colaboraron dalgún xeito na súa organización.

A orde da programación da XXV SEMANA INTERNACIONAL DE CINE DE AUTOR pode ser cam-biado en calquera momento. O Comité Organizador declina toda responsabilidade no caso de que as razóns do cambio sean alleas ó mesmo.

FONMIÑA

SAÚDA

Con esta, van 25 Semanas de Cine de Autor en Lugo. É este bo momento de recapitulación; momento de que Lugo decida se quere seguir tendo unha Semana de Cine.

Está claro que o Lugo, cinéfilo, o Lugo asistente ás proxeccións, o Lugo popular, xa se pronuncio hai moito tempo.

Agora ten que pronunciarse o Lugo oficial, o Lugo institucional, o Lugo da empresa, para saber se ese Lugo que decide, o Lugo que pode, quere seguir tendo unha Semana de Cine.

Fonmiñá está disposta a seguir. Pero non pode facelo nas condicións actuais, arris-cando
traballo, organización e investimentos para non saber cal é o presente xa non o futuroda Semana.

Esta pode ser a última das Semanas de Cine de Lugo.

Con 25, cumprimos unha idea, a ilusión e a esperanza coas que iniciamos esta tarefaen 1979. Lugo –o Lugo mencionado– ten agora a palabra.

Xulio Giz Ramil
Presidente do Grupo Fotocinematográfico FONMIÑA