O San Froilán de Lugo celebra a súa 250ª edición.

O San Froilán foi, nos comezos, unha feira de gando que se celebraba en Lugo cando as tarefas do agro estaban rematadas e precisamente antes de que comezase o longo inverno.
Logo, como toda feira para estar completa precisa de festa, festa houbo. E festa segue 250 anos despois.
Son estas unha festas especiais que concentran en Lugo a milleiros de persoas de toda Galicia, que veñen á capital interior do Antigo Reino -natural sucesora da milenaria capital do Convento Xurídico- a saber o que é unha verdadeira festa popular.
Cunqueiro dicía que o Domingo das Mozas é a festa máis fermosa do outono galego. E nós dicimos "amén" a todo o que, en materia de festas e costumes, dicía o máxico mindoniense.
Para os lucenses é unha festa tradicional, entrañable, familiar, tumultuosa e á vez íntima. Para os foráneos, multicolor e algareira, sorprendente e vibrante, gastronómica e universal.
Para uns e para outros; para todos: Feliz San Froilán.

X.X.


"Polvo á feira"
É o título do cartel gañador do Premio de Deseño Gráfico San Froilán 2004.

As súas Creadoras foron Loli Sines e Beatriz Rodríguez.

Programa de Festas do San Froilán 2004 en Lugo
Programa de Fiestas de San Froilán 2004 en Lugo