Actualidad de Economía

O presidente da Xunta, Alfonso Rueda, informou hoxe de que o Consello autorizou a licitación, por importe de 2,6M€, da redacción dos Proxectos de Interese Autonómico (PIA) para o desenvolvemento de solo residencial onde construír as primeiras 15.000 vivendas en sete concellos galegos. Tal e como explicou, esta contratación enmárcase na primeira fase de execución da Estratexia Galega de Solo Residencial posta en marcha polo Goberno galego, que prevé desenvolver solo para 20.000 vivendas protexidas e 5.000 libres.

Para afinar as listas de demandantes de emprego, a partir deste mes vaise introducir de xeito pioneiro neste eido o acordo de actividade explícito recollido pola normativa estatal para inscribirse ou permanecer como demandante de emprego -xa se teña dereito a prestación ou non-, co fin de diferenciar as persoas que realmente queren traballar das que só buscan servizos de formación ou o cobramento de prestación. O feito de non asinar ou incumprir este novo acordo de busca activa de emprego implicará que a persoa será 'retirada de forma inmediata das listas de demandantes' dun traballo.

A Sociedade de Vivenda Pública de Galicia ten o obxectivo de promover 2.350 vivendas públicas ata el 2028, para conxuntamente coas impulsadas polo IGVS acadar o reto de chegar ás 4.000 novas vivendas protexidas nesta lexislatura. Neste sentido a Xunta ten xa máis de 1.600 vivendas en distintas fases de execución. Para este reto, a sociedade disporá do solo residencial actualmente titularidade de Xestur, de tal xeito que poderá iniciar a construción de vivendas de promoción pública de xeito inmediato. Ademais, disporá do solo obxecto de cesión polo IGVS ou polos concellos. Unha vez que sexan redactados os proxectos de edificación correspondentes, executará as obras e entregará as vivendas aos adxudicatarios.

A vellez é unha etapa para gozar. Facer o que non tivemos tempo de facer cando eramos máis novos, probar novas experiencias, pasar bos momentos na compaña dos nosos ou, simplemente, seguir gozando do que sempre nos gustou facer no tempo libre. Por iso a Consellería de Política Social e Xuventude da Xunta de Galicia pon en marcha o Carné +65, que permitirá a todos os maiores de 65 anos viaxar, obter descontos, vantaxes e beneficios en aloxamentos turísticos e moito máis. Trátase dunha tarxeta totalmente gratuíta e que non necesita un proceso de activación, pode ser empregada desde o momento en que o/a beneficiario/a a recibe.

O mercado laboral de Galicia continúa na súa senda de crecemento e acada, con 122.214 persoas desempregadas, a cifra de paro máis baixa nun mes de outubro de toda a serie histórica (desde 1996). Ademais, a Comunidade galega rexistra 1.083.376 afiliacións á Seguridade Social, a cifra máis alta nun outubro desde o ano 2005. En termos anuais, o paro en Galicia baixou nun 8,35%, o que supera en 2,65 puntos a baixa do paro do Estado e nos converte na terceira Comunidade na que máis cae o desemprego en número de persoas. Nesa comparativa interanual cae o paro nas catro provincias galegas, nas sete grandes cidades, en todos os sectores de actividade.

O importe adxudicado dos fondos do Mecanismo de recuperación e resiliencia (MRR) pola Xunta de Galicia acada os 1.102 millóns de euros, o 75 % do ingresado e o 85 % do importe publicado en convocatorias e licitacións, segundo o informe de execución do MRR en Galicia do terceiro trimestre de 2024 presentado hoxe no Consello da Xunta.A boa execución en Galicia tamén a confirman os datos do Ministerio de Economía, que din que a taxa de resolución de Galicia, sen as entidades locais, é a segunda máis alta en España, 76,3 % (18,7 puntos e 17,2 puntos máis que a media das comunidades autónomas e a AXE, respectivamente).

A nosa comunidade ten demostrado nos últimos tempos que o emprendemento resulta un elemento impulsor do crecemento, a competitividade e a xeración de emprego e riqueza na nosa sociedade. É por isto que o Goberno galego ten dentro das súas prioridades estratéxicas o apoio ao tecido emprendedor, poñendo ao seu dispor diversos recursos que favorezan a todas as persoas que están pensando en poñer en marcha un novo negocio ou proxecto. Un dos elementos principais das políticas da Xunta a favor dos emprendedores é a Rede de Polos de Emprendemento e Apoio ao Emprego, creada en xullo de 2022 para ofrecer asesoramento individualizado, de xeito totalmente gratuíto, a todas as persoas emprendedoras, tanto a aquelas que están comezando o seu proxecto como as que pretenden consolidalo.

A Rede Localis, Rede de Administración Local, fixo público este venres un novo documento de análise do seu Observatorio Municipal Galego, unha das actividades da Cátedra de Bo Goberno Local da Universidade de Vigo. Nel preséntase un ránking de solvencia financeira dos concellos galegos máis poboados, é dicir, das sete grandes cidades. O informe, titulado 'Diferenzas nos indicadores de solvencia financeira entre os municipios con máis poboación en Galicia', foi elaborado por Alberto Vaquero, codirector da Rede Localis e profesor da Facultade de Ciencias Empresariais e Turismo do campus de Ourense.

O presidente da Xunta, Alfonso Rueda, anunciou hoxe que o Consello deu luz verde ao proxecto de Lei de Orzamentos da Comunidade Autónoma para 2025, 'os presupostos máis altos da historia de Galicia' que aumentan o investimento en infraestruturas e no reforzo da actividade empresarial preto dun 5 % (4,7 %), co obxectivo de impulsar o crecemento futuro de Galicia. O incremento é case o dobre do que medra o Orzamento galego para o vindeiro ano: 2,6%. Deste xeito, tal e como resaltou Rueda, 'Galicia aprobará as súas contas, un ano máis, en tempo e forma' e 'será unha das primeiras comunidades' en facelo coa previsión de que podan entrar en vigor' o 1 de xaneiro de 2025'.

A Xunta de Galicia xa executou o 100% dos fondos europeos recibidos para promover proxectos estratéxicos para o turismo vencellados ao Camiño de Santiago no marco do Plan nacional de sustentabilidade turística en destinos Xacobeo 2021. Un programa dotado de preto de 8,3 millóns de euros e que se inclúe no Plan Xacobeo NextGeneration deseñado polo Executivo autonómico. En concreto, o Plan nacional incluía o deseño por parte da Comunidade autónoma de proxectos tractores para o turismo, para o que a Xunta elaborou unha liña de axudas que impulsasen a posta en valor de elementos patrimoniais senlleiros vinculados ao Camiño de Santiago para dotalos de usos turísticos.