Buscador
Noticias
O festival internacional de cine Curtocircuíto regresa coas Noites Curtas, unha programación que traerá o mellor do cinema de vangarda a Compostela, en dúas sesións ao aire libre. A primeira cita será o vindeiro xoves 25 de agosto, na praza de Praterías, cunha selección das películas máis salientables da pasada edición do festival. A segunda terá lugar o 1 de setembro na Praza da Quintana, cun programa de cine realizado en colaboración co festival WOS.
O Auditorio Municipal de Ourense propón unha das primeiras citas musicais do mes de setembro co mundo dos boleros. Será da man do barítono galego Borja Quiza, que o día 9 de setembro presentará na cicade o seu último espectáculo Alma, corazón e vida, Será ás 21 horas e as entradas están á venda en www.ataquilla.com e tamén na billeteira do Auditorio dúas horas antes da función
A Concellería de Emprego e Economía Social vén de asinar con Inditex o convenio de colaboración Coruña Emprega, un proxecto a tres anos dirixido a favorecer a inserción sociolaboral de persoas pertencentes aos colectivos máis vulnerables do municipio, e que ten entre os seus obxectivos o deseño e posta en marcha de accións innovadoras a través dun traballo continuo de prospección laboral.
O Concello de Ourense deu conta de 18 expedientes que dan luz verde a proxectos verdadeiramente importantes para a cidade, en palabras do alcalde, Jesús Vázquez. Outorgóuselle a licenza para o Campus da Auga e outras licenzas de obra no Casco Vello da cidade, proba do novo pulo que está a experimentar a zona monumental de Ourense.
A Concellería de Sanidade organiza un obradoiro sobre actualizacións na normativa dos alérxenos alimentarios nos comedores, que divulgará entre profesionais e público en xeral as novidades normativas acerca destas sustancias que, ao introducirse no organismo, o sensibilizan para a aparición dos fenómenos da alerxia.
O Vicepresidente da Deputación, Álvaro Santos, e o Deputado de Goberno Interior, Miguel Ángel Sotuela, patróns da TIC, avanzaron este mércores que o organismo provincial iniciará o proceso para integrar a Fundación TIC na Deputación. Os dous responsables provinciais fixeron este anuncio durante unha reunión que mantiveron cos traballadores da entidade para informarlles da posta en marcha do proceso.
A Marea do Pobo, candidatura que se presenta ás primarias de En Marea nas provinciais de A Coruña, Lugo e Pontevedra, presentou hoxe en rolda de prensa, diante do Museo do Pobo Galego, en Compostela, o proxecto político, económico e social que vén condensado ao redor dun documento 25 propostas para un goberno de esquerdas o 25 S.
O Festival das Línguas arrinca este venres coa primeira das tres xornadas do festival. No porto de Vilaxoán e no seu entorno comezaron xa os preparativos para acoller a cita máis importante do ano desta vila mariñeira. Tres días con 23 bandas en directo e con 35 actividades de balde, como a Gala Solidaria Refuxiad@s Revenidas, deseñada para o público familiar, ou o Xoubiñas Festi, con actuacións para os nenos e nenas.
O Concello de Redondela, en co-producción coa compañía Nelson Quinteiro Cabaret ven de presentar o programa do IX Festival Galego de Cabaré, que co slogan Mergúllate nas calores do verán ofrecerá durante a derradeira semana de agosto unha programación única no panorama estatal en torno ao cabaret, o burlesque ou o swing.
La sede de Afundación de A Coruña acogerá desde finales de este mes la celebración de las actividades paralelas de la programación lírica de Amigos de la Ópera para este otoño 2016. El programa previsto, que dará comienzo el 29 de agosto y concluirá el 3 de noviembre, está organizado por Amigos de la Ópera, en colaboración con el Consorcio para la Promoción de la Música y Afundación.
