Buscador
Noticias
Esta achega económica distribúese entre oito montaxes de empresas de recente creación, 11 de pequeno formato, seis de mediano formato e catro de gran formato. A Axencia Galega das Industrias Culturais publica no seu web a adxudicación dun total de 600.000 euros a través desta liña de apoio ao sector.
Menús Saudables ofrece 15 pratos e máis de 80 receitas saudables, elaboradas polo profesorado do CSHG, para os viaxeiros aloxados nos balnearios galegos situados nos municipios polos que discorren as Rutas Xacobeas e que tamén ofrecen tratamentos termais co programa Un descanso nos Camiños.
Como actividade complementaria, inclúe unha conversa entre os artistas Pamen Pereira e Isaac Pérez Vicente e os comisarios Ángel Cerviño e Alberto González-Alegre. A mostra Agrupar_Desagrupar. Rupturas da representación permanece aberta no CGAC da capital galega ata o 26 de xuño.
Premiaranse iniciativas destinadas a mellorar a contorna das rutas xacobeas, a crear ou mellorar servizos aos peregrinos e a promover o Camiño de Santiago. Concederanse 8 distincións ás que poden optar entidades locais, Asociacións de Amigos do Camiño, persoas físicas ou xurídicas, pemes, investigadores e colexios de primaria e secundaria.
Este encontro de Michigan congrega ata o 23 de abril preto de 200 galicianistas. Este encontro de Michigan dalle continuidade ao primeiro simposio celebrado na Universidade de Wisconsin-Milwaukee en maio de 2014, e que foi impulsado polo Grupo de Investigación de Estudos Galegos.
Todas elas incorporan unha serie de mostras bibliográficas relacionadas coa conmemoración do IV centenario da morte de Cervantes. Os museos e centros de arte e cultura súmanse cunha experiencia de bookcrossing, de liberación de libros, obradoiros, exposicións, contacontos e certames literarios.
O obxectivo desta campaña promocional é que o Centro siga a ser unha referencia no país veciño e captar novos alumnos portugueses. O departamento de márketing do Centro ofrece nestes días diversas charlas e xornada de traballo nunha ducia de centros en Lisboa, Oporto, Pôvoa de Varzim e Valença do Minho, todos eles en Portugal.
Xunta e a ONGD Farmamundi colaboran desde 2009 para atender as necesidades máis urxentes das poboacións afectadas por catástrofes naturais e humanas. Nesta ocasión, en colaboración coa AECID, enviarase un avión cargado con auga, material de acubillo e kits de asistencia de medicamentos e material sanitario.
Coñecer os actuais procesos de selección nos medios dixitais e como os empregan os recrutadores de emprego para formar parte dos cadros de persoal das empresas é o principal obxectivo do curso gratuíto que o martes 19 de abril está previsto no Salón de Graos da Facultade de Relacións Laborais de Santiago de Compostela ás 16.30 horas.
Santiago de Compostela é a cidade convidada da 42ª edición da Feira do Libro de Bos Aires (Arxentina) na que participan máis de 20 países e cada edición recibe máis de un millón de visitas. Con este motivo, o concello presenta un catálogo de actividades entre as que figuran a presentación de Compostela Colateral e do Mapa Literario de Santiago, según presentou o alcalde Martiño Noriega.
